John Paston Alias Wortes

11

JOHN PASTON ALIAS WORTES¹

Venerables et discretes persones les courtesans demorans en l’ostel du
     Templebar en la cité de Londres, Mes treschiers et treshon-
     nourés seigneurs et amis.

TRESCHIERS et treshonnourés seigneurs et grans amis,
     toutte recommendation premise, plaisir vous soit de
     scavoir que je vous notifie et avertich pour le present
que Wilhelmus Paston le Sargant est denuncies escommuniés,
que plus plainement poes perchevoir per Instrument que vous
envoye. Et pour tant, mez treschiers seigneurs, que je disire
moult le salut de votre ames et l’onneur de cascun de vous,
comme faire le doy, affin que vous u [ou] aucun de vous n’ayes
aucune conversation u participation auvecquels le dit Wilhelmus,
car il est aggrevés a cloquettes sonans, et tant que pour faire
cesser en touttes eglises leur il voldroit aler. Mais jou qui suy
homme d’eglise et sur touttes choses desire et convoite l’onneur
et le bien dou Royaulme, car gy suy tenus, je ne envoye point
pour le present les dittes aggravances, ne ossi voillans faire si
grand mal que poroye jusquels a che que j’aray certaines
novelles et responses comment li dis Wilhelmes se voldra
ordonner en mes affaires, car nous avons en le loy que nuls
os excumeniés ne puet et ne doit estre admis devant juge
quelcunque. Mes treschiers seigneurs, se aucune chose vo
plaise que faire puisse, mande le me et le feray de bon cuer.
E le sancte Dieuls qui vous ait tous et cascun de vous en sa
sancte garde. Et osy, mes treschiers et treshonourés seigneurs,
plaise vous scavoir que encelle meyme cause li dis Wilhelmes
est redevaules et enquews envers moy, par sentence diffinitive
que j’ay obtenu pour moy, en mille deuls cens et trente ducas,
et que li dis Wilhelmes ne puet yestre jamays absols sy non
qu’il soit d’acort auvecquels moy. Escript a en la ville de
Bruges le xxiij^e jour de Jenvier.

                                   JOHANNES PASTON,¹ en temps passé Priour
                                        de Broholm, et pour le present evesquels
                                        de Corkagen, le tout vostre.

     ¹ [From Paston MSS., B.M.] William Paston, who is here spoken of as a Serjeant,
attained that degree in 1421, and was made Judge of the Common Pleas in 1429.
But a closer approximation to the date of this letter may be made by comparing it
with that which follows, which is certainly much about the same time.

     ¹ William Paston, as appears by Nos. 12 and 14 following, disputed this writer’s
right to call himself Paston, and asserted that his real name was Wortes. It is curious
that neither in the list of the Bishops of Cork, nor in that of the Priors of Bromholm,
is the name either of Paston or Wortes to be met with.

1426

1426