Thomas Mull to Thomas Stonor

123. THOMAS MULL TO WILLIAM STONOR

                                                              [1472]

    This letter seems to be preliminary to No. 124, and as probably some
little time later than Nos. 121 and 122 may be referred to the latter part of
1472. From A.C., xlvi, 105.

    Cosen, I recommaunde me to you. And wher as I fele by your
letter and wrytyng that my Mastres hath not that good wyll of you as
sume tyme ye ought her, Syr, ye may owe her right good will, how be
yt that it be not in so herty wyse as ye dyde before. But and I under-
stode þat she had seyd to you þes wordes: "Syr, I wold not have you,
but yt so bee þat I may have C. li. or CC. marcs with you in joyntur":
Syr, then it had ben a mater by which ye myght conceyve þat shee þen
had loved your londe better þen your self. But I understond that ther
wer no such wordes, but I conceyve the wordes wer þees: "Syr, I may
have CCC. marcs in joyntur, and I to take þe lesse when I may have
þe more, my ffrendes wold þenke me not wyse &c.: and howe be yt,
your ffader wol not geve me, yet lette hym do well to you." In which
wordes I understond noon utter nay. But and ye in your mynde con-
ceyve þat shee hath yoven you an utter nay, then shall ye by myn assent
never speke more of the mater, but lette yt goo: but yf it be so þat ye
your self brake the mater for þat shee seid, "I may have CCC. marcs
in joyntur," þen shee hath geven no cause in her parte of an utter
breche: for it ys not oon to sey, I may have wiþ a man CC. marcs, and
þes wordes, I woll not have you but it so be I may have CC. marcs in
joyntur wiþ you. But for al thys resonyng I wold knowe þis of you:
and the case wer so þat shee wolde ben agreable to have you with xl.
li. or iiij^xx marcs joyntur, wolde your herte þen love as ye have doon
before þys seson? þis question wolde I knowe of you, for and I knowe
your disposicion in this behalf, I trowe to God al þis love and mater of
love wolde be revyvyd ayen in short seson: ffor and it so be þat ye
brake þis mater for a lytyl hastynes of your self, þen wolde I not we left
so: but and shee wer þe cause of brech, þen woll I not stere ne avise
you after þis neþer to write nor sende to her. But oon thyng I dar safly
sey in my conceyte, that shee on her parte sithe your departier hath
ben vexed and trowbelyd with þe þrowes of love more fervently in her
mynde þen ye have ben syth vexid wiþ her seyinges. And þis my cause
so to sey and deme, I know oonys for certeyn shee loved you as a par-
fyte lover, and þat right late never better þen þe last seson þat shee was
in London. Trewe it ys love oones parfytide, þough þer hap sum
daungerus speche or countenaunce, yet ys not þe hole ffyr of love
quenchyd, but when þat þe person, þat was moste daungerus in speche
or countenaunce, by her self allow: wher as shee may revolve at her
lyberte wiboute controllyng every þyng þat longeth to loves daunce,
þough þe fflame of the ffyre of love may not breke oute so þat it may be
seyn, yet the hete of love in yt self is never þe les, but rather hootter in
yt self Wherfor I sey þis for certayne, I dare depose for her þat the
sharpe and unwar chaunges from thought to þought, and ofte remem-
brance of the trowbely wawes of love have so possid her to and fro in
her owne mynde, þat shee desyreth as sore after relief, as fer as shee
may for shame, as þe man in the water desyreth to be releved frome
drownyng in þe peril of þe see: but daunger and shame woll not suffir
her to speke yt with oute it be so þat þer be sume newe mocyon made
to her &c.: the menes wherof I have compassid in my mynde, which
by þe mercy of Gode I woll attempte yf it so be ye kan be plesid þat
way, and þat in shorte tyme. Syr, if I may, I woll be with you on
Saturday or Sonday &c. I wot well ye remembre what your ffader by
his last letter assureþe you in joyntur: and syr, þat ys feyr: and as for
oþer thynges touchyng your self, I shall enfourme you at our next
metynge to your hertes plesyr, with the mercy of Jhesu, which preserve
you.

                                                                                            Thomas Mull.

    To William Stonor of Horton in Kent, be this letter delivered in
haste.

123. THOMAS MULL TO WILLIAM STONOR

[1472]

     This letter seems to be preliminary to No. 124, and as probably some
little time later than Nos. 121 and 122 may be referred to the latter part of
1472. From A.C., xlvi, 105.

     Cosen, I recommaunde me to you. And wher as I fele by your
letter and wrytyng that my Mastres hath not that good wyll of you as
sume tyme ye ought her, Syr, ye may owe her right good will, how be
yt that it be not in so herty wyse as ye dyde before. But and I under-
stode þat she had seyd to you þes wordes: “Syr, I wold not have you,
but yt so bee þat I may have C. li. or CC. marcs with you in joyntur”:
Syr, then it had ben a mater by which ye myght conceyve þat shee þen
had loved your londe better þen your self. But I understond that ther
wer no such wordes, but I conceyve the wordes wer þees: “Syr, I may
have CCC. marcs in joyntur, and I to take þe lesse when I may have
þe more, my ffrendes wold þenke me not wyse &c.: and howe be yt,
your ffader wol not geve me, yet lette hym do well to you.” In which
wordes I understond noon utter nay. But and ye in your mynde con-
ceyve þat shee hath yoven you an utter nay, then shall ye by myn assent
never speke more of the mater, but lette yt goo: but yf it be so þat ye
your self brake the mater for þat shee seid, “I may have CCC. marcs
in joyntur,” þen shee hath geven no cause in her parte of an utter
breche: for it ys not oon to sey, I may have wiþ a man CC. marcs, and
þes wordes, I woll not have you but it so be I may have CC. marcs in
joyntur wiþ you. But for al thys resonyng I wold knowe þis of you:
and the case wer so þat shee wolde ben agreable to have you with xl.
li. or iiij^xx marcs joyntur, wolde your herte þen love as ye have doon
before þys seson? þis question wolde I knowe of you, for and I knowe
your disposicion in this behalf, I trowe to God al þis love and mater of
love wolde be revyvyd ayen in short seson: ffor and it so be þat ye
brake þis mater for a lytyl hastynes of your self, þen wolde I not we left
so: but and shee wer þe cause of brech, þen woll I not stere ne avise
you after þis neþer to write nor sende to her. But oon thyng I dar safly
sey in my conceyte, that shee on her parte sithe your departier hath
ben vexed and trowbelyd with þe þrowes of love more fervently in her
mynde þen ye have ben syth vexid wiþ her seyinges. And þis my cause
so to sey and deme, I know oonys for certeyn shee loved you as a par-
fyte lover, and þat right late never better þen þe last seson þat shee was
in London. Trewe it ys love oones parfytide, þough þer hap sum
daungerus speche or countenaunce, yet ys not þe hole ffyr of love
quenchyd, but when þat þe person, þat was moste daungerus in speche
or countenaunce, by her self allow: wher as shee may revolve at her
lyberte wiþoute controllyng every þyng þat longeth to loves daunce,
þough þe fflame of the ffyre of love may not breke oute so þat it may be
seyn, yet the hete of love in yt self is never þe les, but rather hootter in
yt self. Wherfor I sey þis for certayne, I dare depose for her þat the
sharpe and unwar chaunges from thought to þought, and ofte remem-
brance of the trowbely wawes of love have so possid her to and fro in
her owne mynde, þat shee desyreth as sore after relief, as fer as shee
may for shame, as þe man in the water desyreth to be releved frome
drownyng in þe perill of þe see: but daunger and shame woll not suffir
her to speke yt with oute it be so þat þer be sume newe mocyon made
to her &c.: the menes wherof I have compassid in my mynde, which
by þe mercy of Gode I woll attempte yf it so be ye kan be plesid þat
way, and þat in shorte tyme. Syr, if I may, I woll be with you on
Saturday or Sonday &c. I wot well ye remembre what your ffader by
his last letter assureþe you in joyntur: and syr, þat ys feyr: and as for
oþer thynges touchyng your self, I shall enfourme you at our next
metynge to your hertes plesyr, with the mercy of Jhesu, which preserve
you.

                                                                                           Thomas Mull.

     To William Stonor of Horton in Kent, be this letter delivered in
haste.